Almatyda menshik ıeleriniń birlestigi men jaı seriktestik sany qansha

ALMATY. KAZINFORM - Almaty qalasynda 9 367 kóppáterli turǵyn úıge qyzmet kórsetetin 900-ge jýyq basqarý organdary bar. 

тұрғын үй
Фото: Kazinform

2020 jyly 7 qańtarda «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» zań kúshine endi. Zań «bir úı — bir birlestik — bir esepshot» qaǵıdaty boıynsha «múlik ıeleriniń birlestigi» kommertsııalyq emes uıymyn qurý arqyly basqarý organdarynyń qyzmetin retteýge baǵyttaldy.

Kazinform agenttigi Almaty qalasy Kommýnaldyq ınfraqurylymdy damytý basqarmasyna saýal joldap, búgingi kúni megapolıste negizgi basqarý organdary qandaı ekenin surady.

Basqarma jaýabyna sáıkes, turǵyn úı-kommýnaldyq sharýashylyq reformasy bastalǵannen beri shamamen 8 000 kóppáterli turǵyn úıdi qamtıtyn 5 000 jınalys ótken. Nátıjesinde 6 686 kóppáterli turǵyn úıdi qamtı otyryp, basqarýdyń 6 199 jańa nysany tirkeldi. Onyń ishinde 1 527 menshik ıeleriniń birlestigi (MIB) jáne 4 672 jaı seriktestik (JS). Qalada qansha páter ıeleriniń kooperatıvi (PIK) jumys istep turǵany týraly aqparat berilmedi.

Sondaı-aq Kommýnaldyq ınfraqurylymdy damytý basqarmasy turǵyn úıdi basqarý organdary óz mindetin durys atqarmaǵan jaǵdaıda qaıda júginýge bolatynyn túsindirdi.

— Eger basqarý organy (MIB, PIK jáne t. b.) óz mindetterin tıisti túrde oryndamaǵan jaǵdaıda turǵyndar basqarý organyna qatysty sharalar qabyldaý jáne tekserý júrgizý úshin, sondaı-aq tekserý paraǵynyń 13 tarmaǵy boıynsha buzýshylyqtar bolǵan jaǵdaıda Dostyq dańǵyly, 85 mekenjaıy boıynsha 5-qabat 504 kabınetke júgine alady, - delingen basqarma jaýabynda. 

Buǵan deıin Memleket basshysy Qasym-Jomart Toqaev turǵyn úı-kommýnaldyq sharýashylyq reformasyn synǵa alǵan edi.

— Múlik ıeleri birlestigi ınstıtýtyn engizýge baǵyttalǵan reforma sońyna deıin jetkizilgen joq. Buǵan qosa, múlik ıeleri birlestikterimen qatar páter ıeleri kopperatıvterdi de áli jumys istep tur. Biz osy Múlik ıeleri birlestigi reformasynda qatty qatelikke urynǵan sııaqtymyz. Qazir Úkimet ákimdermen birge osy jaǵdaıdan shyǵý jolyn tabýy tıis, - dedi Prezıdent.

Eske salaıyq, Almatyda dızaın-kod qabyldanǵan 1 jyl ishinde ne ózgergenin jazǵanbyz.

Сейчас читают