Almatyda memlekettik múlik departamentiniń basshysy ustaldy
QONAEV. KAZINFORM — Almaty memlekettik múlik jáne jekeshelendirý departamentiniń basshysy alaıaqtyq jasady degen kúdikke ilindi. Bul týraly Almaty oblysy boıynsha Sybaılas jemqorlyqqa qarsy qyzmeti málim etti.
— Sheneýnik jer ýchaskelerine ótimdilik berý jáne ony satýdan aıtarlyqtaı qylmystyq tabys alý maqsatynda, Qarasaı aýdanynyń jergilikti atqarýshy organdarynyń laýazymdy adamdarynyń kómegimen olardyń nysanaly maqsattaryn kadastrlyq qun aıyrmasyn tólemeı ózgertti. Nátıjesinde memleketke 1 mlrd teńgeden astam somaǵa materıaldyq zalal keltirildi, — dep habarlady Almaty oblysy boıynsha Sybaılas jemqorlyqqa qarsy qyzmetinen.
Budan basqa, oǵan qatysty urlanǵan aqshany jyljymaly jáne jyljymaıtyn múlikti satyp alý arqyly zańdastyrý faktisi boıynsha sotqa deıingi tergeý júrgiziledi.
Búgin kúdikti QPK-niń 128-baby negizinde Іle aýdandyq Polıtsııa basqarmasynyń ýaqytsha ustaý ızolıatoryna ustalyp, qamaýǵa alyndy.
Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.
Osyǵan deıin «Shyǵys» óńirlik áskeriniń burynǵy qolbasshysy ustalǵan bolatyn.