Almatyda memleketke qaıtarylǵan úı-jaı bólip tóleý arqyly satylady

ALMATY. KAZINFORM – Qaıtarylǵan aktıvterdi basqarý kompanııasy E-Qazyna portalynda Almaty qalasynyń Kóktem-2 shaǵyn aýdany, 22-úı mekenjaıynda ornalasqan turǵyn emes úı-jaı bólip tóleý formatynda saýdaǵa qoıylǵanyn habarlady.

Tender 2025 jylǵy 15 qazan kúni saǵat 10:00-de ótedi. Bastapqy baǵa: 4 377 184 000,00 teńge

- Bólip tóleý formaty áleýetti satyp alýshylarǵa saýdaǵa qatysý úshin qosymsha múmkindikter usynady. Túsken qarajat arnaıy memlekettik qorǵa aýdarylyp, qoǵam ıgiligi úshin áleýmettik jáne ınfraqurylymdyq jobalardy qarjylandyrýǵa jumsalady, - dep habarlady kompanııa.

Eske salaıyq, buǵan deıin Almatyda «Baısat» bazary satylymǵa shyǵarylǵanyn jazǵanbyz.