Almatyda memleketke qaıtarylǵan 12 aktıv aýktsıonǵa shyǵarylady

ALMATY. KAZINFORM - Almatyda ótken jyly memleketke qaıtarylǵan 5 aktıv satyldy.

Kazinform agenttiginiń saýalyna jaýap bergen «Qaıtarylǵan aktıvterdi basqarý kompanııasy» JShS byltyr satylǵan aktıvterdiń jalpy somasy 10,8 mlrd teńge bolǵanyn málimdedi.

- 2024 jyly basqarýshy kompanııa Almaty qalasynda 5 aktıvti aýktsıonda satty, onyń ishinde 2 jer ýchaskesi (bireýi aıaqtalmaǵan qurylys nysanymen), 1 kommertsııalyq jyljymaıtyn múlik, 1 óndiristik baza, 1 ákimshilik ǵımarat bar. Satylǵan aktıvtiń eń joǵary somasy - 6 278 384 321 teńge bolsa, eń tómeni - 657 596 616 teńgege jetti, - delingen kompanııa jaýabynda.

Qazirgi ýaqytta basqarýshy kompanııanyń ıeliginde Almaty qalasynda ornalasqan 12 aktıv bar. Olardyń jalpy quny - 28,5 mlrd teńge. Atap aıtqanda, 7 jer ýchaskesi, 3 kompanııanyń jarǵylyq kapıtalyndaǵy úles, 2 jyljymaıtyn múlik (keńse ǵımarattary).

- Aýktsıon ótkizý jaqyn araǵa josparlanǵan, - dep habarlady kompanııadan.

Eske salaıyq, «Qaıtarylǵan aktıvterdi basqarý kompanııasy» 2023 jylǵy 21 qyrkúıekte qurylǵan. Tolyqtaı memleket menshigine tıesili kompanııa memleketke qaıtarylǵan aktıvterdi qabyldap, aktıvter satylǵanǵa deıin olardy jalǵa berý, senimgerlik basqarý, óz betimen basqarý arqyly úzdiksiz jumys isteýin qamtamasyz etedi.

Buǵan deıin Almatyda qansha ǵımarat memleketke qaıtarylyp, aýktsıonda satylǵanyn jazǵanbyz.