Almatyda memleketke 33 mlrd teńge zalal keltirgen qylmystyq top sottaldy

ASTANA. KAZINFORM – Almaty prokýratýrasy júrgizgen tekserý nátıjesinde keden salasyndaǵy ýákiletti ekonomıkalyq operatorlar atynan áreket etken qylmystyq toptyń qyzmeti áshkerelenip, joly kesildi.

Tergeý barysynda jalǵan qujattar men kedendik sáıkestendirý quraldaryn paıdalanyp, taýarlardy keden shekarasy arqyly zańsyz ótkizý, naqty oryndalmaǵan jumystarǵa, kórsetilmegen qyzmetterge jáne jóneltilmegen taýarlarǵa jalǵan shot-faktýralar jazý faktileri anyqtaldy.

- Atalǵan zańsyz áreketterdiń saldarynan memleketke 33 mıllıard teńgeden astam zalal kelgen, - dep jazdy baqylaýshy organnan.

Sot úkimimen aıyptalýshylar QR Qylmystyq kodeksiniń 216 jáne 234-baptary boıynsha kináli dep tanylyp, múlikteri tárkilene otyryp, eki jyldan jeti jylǵa deıin bas bostandyǵynan aıyrý jazasy taǵaıyndaldy.

Apellıatsııalyq saty birinshi saty sotynyń úkimin ózgerissiz qaldyrdy.

Aıta keteıik, Almaty áýejaıynda júrgizýshi polıtsııa qyzmetkerin kóligimen súıredi.