Almatyda memleketaralyq izdeýde júrgen kúdikti ustaldy
ALMATY. KAZINFORM - Almatyda 26 jastaǵy Reseı azamaty ýaqytsha ustaý ızolıatoryna qamaldy.
Almaty qalasy Polıtsııa deparamentiniń málimetinshe, Stanıslav Konakov esirtki qylmysyn jasaǵany úshin Reseı Federatsııasy memleketaralyq izdeýge jarııalanǵan. Sot oǵan bultartpaý sharasy retinde úıqamaqqa alý týraly sheshim qabyldaǵan bolatyn. Alaıda kúdikti qashyp ketken.
- Jedel-izdestirý sharalarynyń nátıjesinde qashqyndy Almaty qalasy PD esirtki qylmysyna qarsy kúres basqarmasynyń qyzmetkerleri qolǵa túsirdi. Ol qaladaǵy turǵyn úılerdiń birinde jasyrynyp júrgen. Kúdikti ýaqytsha ustaý ızolıatoryna qamaldy. Ony Reseı Federatsııasyna ekstradıtsııalaý máselesi sheshilýde, - dep habarlady qalalyq PD baspasóz qyzmeti.
Eske salaıyq, buǵan deıin ShQO-da bir aı boıy izdeýde júrgen alaıaq Aqmola oblysynda ustalǵanyn jazǵanbyz.