Almatyda mektepke ishi men syrty teris kitap alynǵan - baspa jaýap berdi
ALMATY. KAZINFORM – Áleýmettik jelide ishki betteri teris shyqqan oqýlyqtyń beınejazbasy tarady.
Beınejazbadan 4 synypqa arnalǵan «Ádebıettik oqý» kitabyn kórýge bolady. Jazba avtory kitaptyń ishi men syrty bir-birine sáıkes kelmeıtinin aıtqan.
Atalǵan jaǵdaıda baılanysty «Almatykitap» baspasy jaýap berdi. Baspa málimetinshe, jarııalanymda kórsetilgen oqýlyq boıynsha tıpografııada tehnıkalyq qate ketken.
— 4-synypqa arnalǵan «Ádebıettik oqý» oqýlyǵy 2019 jyldan qoldanylyp keledi. Beınematerıaldaǵy oqýlyqtyń 2024 jyly qosymsha tıraj retinde shyqqan nusqa ekeni jáne Almaty qalasynyń № 211 mektep-gımnazııasynyń kitaphanasynyń móri qoıylǵany anyqtaldy. Oqýlyq mektepke 2024 jyly kelip túsken. 2 jyl aralyǵynda oqýlyqtyń tehnıkalyq qateligi týraly baspaǵa eshqandaı shaǵym kelip túspegen. Mektep kitaphanashysy bul kitapqa mekteptiń mórin qoıý barysynda oqýlyqtyń basty beti teris turǵanyn anyqtap, baspa mamandaryna eskertý jasalǵan jaǵdaıda, birden kitapty almastyryp alýǵa bolady, — delingen baspa jaýabynda.
Sonymen qatar baspa Almaty qalasyndaǵy № 211 mektep-gımnazııasyna arnaıy baryp, máseleni tolyq anyqtaıtynyn jáne ata-anamen kezdesip, oqýlyqtyń durys nusqasy beriletinin atap ótti.
— Bul — baspahanadan ketken polıgrafııalyq aqaý: kitapty túpteý kezinde keıbir betteri tóńkerilip ketken. Ókinishke qaraı, mundaı birli-jarym aqaýlar kezdesip turady. Baspamyz bul oqýlyqty aýystyrýǵa daıyn, — dep túsindirdi «Almatykitap».
Eske salaıyq, buǵan deıin Oqý-aǵartý mınıstri oqýlyqtardaǵy 700 qate jóninde Prezıdent synyna jaýap berdi.
