Almatyda mektep qurylysynda zań buzǵan kompanııa lıtsenzııasynan aıyryldy

ALMATY. KAZINFORM – Almatyda «SK 7 stroı» JShS kompanııasy qurylys lıtsenzııasynan aıyryldy.

Bul týraly Almatynyń qala qurylysy baqylaý basqarmasy habarlady.

Merdiger qala aýmaǵyndaǵy birneshe nysanda qurylys jumystaryn júrgizip kelgen. Sonyń ishinde №112 jalpy bilim beretin mektep ǵımaratyna qosalqy qurylys salý jáne Áýezov aýdanyndaǵy abattandyrý jobalary bar.

Barlyq nysanda jospardan tys tekserýler júrgizilip, onyń nátıjesinde qurylys-montaj jumystary kezinde jobalyq sheshimderden aýytqý jáne qurylys salasyndaǵy memlekettik normalardyń talaptaryn saqtamaý derekteri anyqtaldy.

– Tekserý qorytyndysy boıynsha «SK 7 Stroı» JShS-ne ákimshilik sharalar qoldanylyp, onyń qurylys qyzmetin júzege asyrýǵa berilgen lıtsenzııasynan aıyryldy, - dep habarlady Almaty ákimdigi.

Eske salaıyq, buǵan deıin Almatynyń qala qurylysyn baqylaý basqarmasy ıAssaýı jáne Dastan kósheleriniń qıylysynda opyrylǵan asfalttan soń Dostyq shaǵynaýdanynda ınjenerlik jelilerdiń qurylys nysandaryna jospardan tys tekseris júrgizdi.

Tekseris qorytyndysy boıynsha tehnıkalyq qadaǵalaý fýnktsııalaryn júzege asyrǵan «Alataý sapa qurylys» JShS ózine qatysty qyzmetti durys atqarmaǵany úshin akkredıttelý týraly kýáliginen aıyryldy.