Almatyda mektep esepshisi 34 mln teńge jymqyrǵan

ALMATY. KAZINFORM – Almatynyń bilim basqarmasy megapolıs mektepteriniń birinde aqsha urlaý faktisin anyqtap, materıaldardy sybaılas jemqorlyqqa qarsy is-qımyl agenttigine tapsyrdy. 

Qalalyq bilim basqarmasy Sybaılas jemqorlyqqa qarsy is-qımyl Agenttiginiń Almaty qalasy boıynsha departamentine bıýdjettik aqshany urlaý týraly isti ashýǵa kómektesti. 

«Monıtorıng nátıjeleri boıynsha Almaty qalasynyń bilim basqarmasy osy jyldyń naýryz aıynda «№5 mektep gımnazııasy» KMM-niń 11 qyzmetkeriniń banktik kartochkalyq shottaryna 2023 jyldyń sáýiri men aqpan aıy aralyǵynda jalpy somasy 34 271 330 teńgege artyq belgilengen jalaqy normasyn esepteý jáne aýdarý zańnamasynyń normalaryn buzý faktisin anyqtady», - dep habarlady Almaty qalasynyń bilim basqarmasy. 

Іs materıaldar negizinde QR QK 189-baby boıynsha mekteptiń bas býhgalteri A.I. qatysty sotqa deıingi tergeý bastaldy. 

«Sotta mekteptiń bas býhgalteri «№5 mektep-gımnazııa» KMM-de naqty jumys istemeıtin tulǵalardyń kartochkalyq banktik shottaryna eńbek kelisimderimen belgilengen ústemeaqylardy jáne jalaqy retinde bıýdjet qarajatyn zańsyz esepteý jáne aýdarý jolymen bıýdjet qarajatyn urlaý faktisin tolyq rastady», - dep atap ótti vedomstvodan. 

Sondaı-aq cotqa deıingi jáne sot tergeýi barysynda sottalýshy múliktik zalaldy tolyq kólemde – 38 060 353 teńgeni óz erkimen ótedi.

Almaty qalasynyń qylmystyq ister jónindegi Áýezov aýdandyq sotynyń 2024 jylǵy 22 shildedegi úkimimen ol 7 jylǵa shartty túrde sottaldy. 

Úkim zańdy kúshine engen joq.

«Mektep dırektoryna qatysty tártiptik jaza sharalaryn qoldaný týraly másele eńbek demalysynan shyqqannan keıin sheshiletin bolady», - dep atap ótti basqarmadan. 

Osyǵan deıin Almaty emhanasynan 340 mln teńge aqsha jymqyrǵan eki esepshiniń sottalǵany týraly jazǵan edik.