Almatyda mektep baǵdarlamasyna shańǵy sabaqtary engizilýi múmkin
ALMATY. KAZINFORM — Almatyda qalanyń taý klasterin damytý máseleleri boıynsha keńeıtilgen keńes otyrysy ótti.
Іs-shara barysynda Almaty SUPERSKI jáne «Almaty taý klasteri» jobalary tanystyryldy. Jıynǵa «Atameken» UKP, Almaty qalasy ákimdigi, Kazakh Tourism Development Ltd, Almaty Tau Management ókilderi, ınvestorlar men kásipkerler qatysty.
Kazakh Tourism Development Ltd atqarýshy dırektory Erjan Erkinbaev Almaty SUPERSKI bastamasy aıasynda Almaty mektepteriniń oqýshylaryna deneshynyqtyrý sabaqtary aıasynda mindetti shańǵy jattyǵýlaryn engizý josparlanǵanyn aıtty.
— Olımpıadalyq elderde 100 myńǵa jýyq bala bir maýsymda keminde 10 kún shańǵy tebedi. Ol deneshynyqtyrý sabaǵyna qatysý retinde sanalady. Almaty ákimdigi bul bastamany qoldady. Ázirge pılottyq joba retinde Almaty mektepterinde engizýdi josparlap otyrmyz. Biraq Almaty taý klasteri tolyq ashylǵan soń, mundaı tájirıbe bizde de bolady, — dedi ol.
Sondaı-aq ol qala kolledjderine taý-shańǵy mamandyqtary boıynsha 300-350 grant bólinetinin atap ótti. Jańa mamandar aldaǵy ýaqytta ashylatyn jańa arqan joldar men taý kýrorttarynda jumys isteıtin bolady. Olardyń qatarynda aspaly jol ınjeneri, mehanıkter, trassalar men qar jamylǵysyn jasaý ınjeneri, qar pýshkalary boıynsha maman jáne t. b. mamandar bolady.
Eske salaıyq, buǵan deıin Almaty taý klasterin damytýǵa 526 mlrd teńge jumsalatynyn jazǵanbyz.
