Almatyda mektep as mázirine ulttyq taǵamdar engizilýi múmkin

Almaty mektepterinde oqýshylarǵa beriletin tegin as mázirine ulttyq taǵamdar engizilýi múmkin. Pılottyq joba úsh mektepte júzege asady, dep habarlaıdy Kazinform.

Joba bastamashysy – Almaty servıstik qyzmet kórsetý kolledji. Bilim mekemesi pılottyq jobany «Ulttyq salaýatty tamaqtaný ortalyǵy» respýblıkalyq qoǵamdyq birlestigimen birlesip júzege asyrady. 

«Búgingi tańda zertteý júrgizý úshin №135, №153, №201 úsh mektep tańdaldy. Sonymen qatar, atalǵan mektep oqýshylarynyń ata-analarynan ruqsat alyndy. Mektepterde antropotologııalyq zertteý ótkizildi. Oqýshylarymen saýalnama júrgizildi, ashana qyzmetkerleri oqytylyp, tekserilip, salaýatty tamaqtanýdy nasıhattaıtyn is-sharalar uıymdastyryldy. Aıta keteıik, bul – ázirge tek pılottyq joba», - dep habarlady qalalyq bilim basqarmasynan.

Zertteý jumystary 2024 jyldyń mamyryna deıin jalǵasady. 

Búginde Almatydaǵy memlekettik bilim berý mekemelerinde 134 myńnan astam bastaýysh synyp oqýshysy tegin tamaqpen qamtylǵan.