Almatyda Medeýge baratyn jol jabylady

ALMATY. KAZINFORM – Almatyda «Medeý» bıik taýly sport keshenine baratyn jol jabylady. Almaty qalasy ákimdiginiń málimetinshe, jóndeý jumystaryn júrgizýge baılanysty Kereı-Jánibek handar kóshesinde kólik qozǵalysyna ýaqytsha shekteý engiziledi. 

«15 tamyz kúngi saǵat 23:00-den 16 tamyz kúngi 07:00-ge deıin qozǵalys «Aqbulaq» bulaǵynan 558/1 ǵımaratqa deıingi aýmaqta jabylady. Jabylǵan joldyń uzyndyǵy 1,2 shaqyrym. Aıta ketý kerek, bul kósheniń jalpy 6 shaqyrymy jóndelmek. Taǵy basqa joldardyń jabylatyn kúnderi men ýaqyty qosymsha habarlanady», - dep atap ótti Almaty qalasy ákimdiginiń baspasóz qyzmeti.

Jóndelip jatqan ýchaskede eskertý belgileri, merdiger uıymynyń basshysynyń baılanys aqparattary kórsetilgen stendter qoıylady.

Aıta keteıik, budan buryn «Medeý» tabıǵı parkinde zańsyz berilgen jer qaıtarylǵanyn jazǵan edik. Bul jerdiń naryqtyq quny 3 mlrd teńge bolady.