Almatyda Medeýge barar jolda jol apaty boldy
ALMATY. KAZINFORM - Almatyda Medeýut barar jolda eki kólik soqtyǵysyp, saldarynan 4 adam zardap shekti.
Jol apaty bolǵan jerden túsirilgen vıdeo áleýmettik jelige tarap ketti.
«Medeýge barar jolda qorqynyshty jol apaty boldy», - delinedi postta.
Almaty qalalyq polıtsııa departamenti atalǵan jol apaty Medeý aýdanynda 5 sáýirde saǵat 22:50-de bolǵanyn habarlady.
«Toyota Camry avtokóliginiń júrgizýshisi Kereı-Jánibek handar kóshesi boıymen ońtústik baǵytta kele jatqanda kólikke ıe bola almaı, joldyń qarsy betine shyǵyp Mitsubishi markaly avtokóligimen soqtyǵysady. Jol apaty saldarynan eki kóliktiń júrgizýshisi men jolaýshylary, jıyny 4 adam dene jaraqattaryn alyp, medıtsınalyq kómekke júgindi», - dep habarlady qalalyq polıtsııa departamentiniń baspasóz qyzmeti.
Atalmysh jol apatyn Medeý aýdanynyń polıtsııa basqarmasynyń qyzmetkerleri tekserip jatyr.
Eske salaıyq, Almatyda adam ólimine ákelgen jol apaty bolǵan edi.
Sondaı-aq Almatyda samokat pen mopedterdiń qozǵalysyna baqylaý kúsheıgenin habarlaǵanbyz.
