Almatyda «Medeý» sport kesheniniń avtoturaǵy jyl sońyna deıin jabylady
ALMATY. KAZINFORM — «Medeý» bıik taýly sport keshenin qaıta jańǵyrtý jobasyn iske asyrý aıasynda bıylǵy jyldyń 16 maýsymynan jeltoqsan aıyna deıin keshenge jaqyn ornalasqan avtoturaqqa kirý ýaqytsha shekteledi.
Almatynyń qurylys basqarmasy baspasóz qyzmetiniń málimetinshe, shekteý qurylys-montaj jumystarynyń júrgizilýine jáne nysan aýmaǵyndaǵy qaýipsizdikti qamtamasyz etý qajettiligine baılanysty engizilip otyr.
— Ýaqytsha qolaısyzdyqtarǵa túsinistikpen qaraýlaryńyzdy jáne qozǵalys baǵytyn aldyn ala josparlaýlaryńyzdy suraımyz, — delingen habarlamada.
Eske salaıyq, buǵan deıin Konstıtýtsııalyq sot «Shymbulaq» shatqalyna kólik quraldarynyń kirýine shekteýdi konstıtýtsııalyq emes dep tanyǵanyn habarlaǵanbyz.
