Almatyda Medeý – Shymbulaq joly ýaqytsha jabylady
ALMATY. KAZINFORM — Almatyda 19-22 qazan aralyǵynda Medeý — Shymbulaq avtomobıl joly jabyq bolady.
19-22 qazan aralyǵynda Medeý — Shymbulaq avtomobıl jolynyń «Gorelnık» vızıt-ortalyǵy mańyndaǵy bóliginde dıametri 1 jáne 1,5 metr bolatyn eki temirbeton sý ótkizý qubyryn ornatý jumystary júrgiziledi.
Almaty ákimdiginiń málimetinshe, jumys kezeńinde avtokólikter men júrginshiler qozǵalysy tolyqtaı toqtatylady.
— Qala turǵyndary men qonaqtarynan osy baǵyttaǵy sapary men jaıaý júrý marshrýtyn josparlaý kezinde ýaqytsha shekteýdi eskerýin suraımyz, — dep málimdedi ákimdik.
Eske salsaq, Almatyda Medeý men Shymbulaqqa kólikpen kirý tártibi ózgergen edi.
Sondaı-aq Shymbulaqtaǵy aspaly joldar ýaqytsha jabylatyny habarlandy.
