Almatyda májbúrli túrde eki zańsyz nysan buzylyp jatyr
ALMATY. KAZINFORM — Bostandyq aýdanyndaǵy nysandar sot oryndaýshylardyń qatysýymen buzylyp jatyr.
Almaty ákimdiginiń málimetinshe, Qala qurylysyn baqylaý basqarmasy jospardan tys tekseris barysynda «Nur-Alataý» shaǵyn aýdany, Q.Taýasaruly kóshesi, 71/21 mekenjaıynda ornalasqan bir jer telimindegi 3 qabatty eki úıdiń ruqsatsyz salynǵanyn anyqtaǵan. Osyǵan baılanysty menshik ıelerine ákimshilik sharalar qoldanylǵan. Keıin bul is boıynsha sot uzaqqa sozylyp, 2024 jyldyń 31 qańtarynda Almaty sotynyń qaýlysymen aýdandyq sottyń nysandardy buzý týraly sheshimi kúshinde qalǵan.
— Sot sheshimin oryndaý maqsatynda menshik ıeleri bastapqyda nysandy óz erkimen buza bastaǵan. Alaıda keıin bul jumystardyń tolyq aıaqtalmaǵany belgili boldy. Qazirgi ýaqytta eki ǵımarat sot oryndaýshylardyń qadaǵalaýymen májbúrli túrde buzylyp jatyr, — dep habarlady ákimdikten.
Eske salaıyq, Almatyda 2022 jyldan beri 88 zańsyz nysan buzylǵanyn jazǵanbyz.