Almatyda máslıhat depýtaty ókilettigin merziminen buryn toqtatty
ALMATY. KAZINFORM – Amanat partııasynan saılanǵan Almaty qalalyq máslıhatynyń depýtaty Ramazan Bekbol óz erkimen ókilettigin merziminen buryn toqtatty.
Qalalyq máslıhat tóraǵasy Meıirjan Otynshıevtiń aıtýynsha, bul sheshim «Jergilikti memlekettik basqarý jáne ózin-ózi basqarý týraly» zańyna jáne depýtattyń jeke ótinishine jáne aýmaqtyq saılaý komıssııasynyń usynysyna sáıkes qabyldandy.
– Biz onymen eki jyl qoıan-qoltyq jumys istedik. Onyń jeke ótinishine baılanysty depýtattyq ókilettigin merziminen buryn toqtatý týraly sheshim qabyldandy. Ol jemisti eńbek etti, eki shaqyrylymda depýtat boldy. Barlyq áriptesteriniń atynan atqarǵan jumysy úshin alǵys bildiremin, – dedi Meıirjan Otynshıev.
Bos qalǵan depýtattyq mandatty kim ıelenetini týraly sheshimdi keıin Amanat partııasy qabyldaıdy.
Buǵan deıin QR «Saılaý týraly» zańyna sáıkes, «Amanat» partııasynyń tizimi boıynsha máslıhat depýtatynyń bos mandaty Krıstına Bekmyrzaeva berilgen edi.
Ol bul qyzmetke qalalyq densaýlyq saqtaý basqarmasynyń basshysy bolyp taǵaıyndalǵan Asııa Aqanovanyń ornyna kelgen bolatyn.