Almatyda MasAlert júıesi magnıtýda 5,5 baldan tómen kezde iske qosylýy múmkin

ALMATY. KAZINFORM — Bul týraly Almatynyń seısmıkalyq qaýipsizdik jáne jumyldyrý daıyndyǵy basqarmasy basshysynyń mindetin atqarýshy Batyrhan Súleımenov aıtty.

Basqarma bazasynda seısmologtar men sarapshylar engen ǵylym jáne tehnologııalar boıynsha keńes qurylǵan. Vedomstvo bul keńestiń talqylaýyna «halyqty avtomatty túrde eskertý júıesin 5,5 magnıtýdasynan keıin qosý qanshalyqty durys» degen suraqty shyǵarǵan.

— Bastapqyda 5,5 magnıtýdasy boıynsha eskertý jasaý kerek dep aıtylǵan. Biraq magnıtýda epıtsentrde ólshenedi, al epıtsentr Qytaıda, Qyrǵyzstanda ne Almaty oblysynda bolýy múmkin. Sondyqtan bul suraqty talqyǵa shyǵardyq. Uzaq pikirtalastan keıin Seısmologııalyq baıqaý jáne zertteýler ulttyq ǵylymı ortalyǵymen birge araqashyqtyqty anyqtaýymyz kerek degen qorytyndyǵa keldi, — dedi Batyrhan Súleımenov.

Aıtýynsha, jer silkinisiniń epıtsentri qaladan 100 shaqyrym jerde bolsa, onda eskertý júıesi úshin eń tómengi magnıtýda — 1 bolǵany, eger jer dúmpýi 200 shaqyrymnan alysta bolsa, shegi odan joǵary bolǵany jón.

— Óıtkeni araqashyqtyq alys bolǵan saıyn seısmıkalyq qaýip tómen bolady. Jaqyn arada seısmologııa ınstıtýty ǵylymı negizde óz qorytyndysyn usynady. Soǵan deıin avtomattandyrylǵan erte eskertý júıesi men MasAlert jedel eskertý júıesi túzeledi, — dedi ol.

Batyrhan Súleımenovpen tolyq suhbatty osy silteme boıynsha oqı alasyzdar.