Almatyda mas kúıinde jasóspirimdi qaǵyp, oqıǵa ornynan qashyp ketken júrgizýshi sottaldy

ALMATY. KAZINFORM - Almaty qalalyq qylmystyq ister jónindegi sotynda adamdy qaǵyp mert qylǵan júrgizýshige qatysty is qaraldy.

Almaty sotynyń málimetinshe, 2020 jyly jeti jylǵa kólik júrgizý quqyǵynan aıyrylǵan Almaty qalasynyń turǵyny taǵy da mas kúıinde kólik júrgizgen.

Jaıaý júrginshiler ótkelinde ol kámeletke tolmaǵan jasóspirimdi qaǵyp ketken jáne ony tek artqy kórinis aınasynan baıqaǵan. Alaıda, polıtsııa qyzmetkerleri kelgenge deıin ol jol-kólik oqıǵasy bolǵan jerden ketip qalǵan. Keıin dostarymen syra iship, úıine oralǵan.

Al jol-kólik oqıǵasynan keıin 15 jastaǵy jasóspirim aýyr jaraqat alyp, sonyń saldarynan qaıtys bolǵan.

- Sottalýshy óz kinásin tolyq moıyndap, sottan jeńildik jasaýdy surady jáne sottalýshynyń jas balalarynyń bolýyn jeńildetetin mán-jaı dep tanyldy. Sot aıyptalýshyny ómir boıyna kólik júrgizý quqyǵynan aıyryp, 7 jylǵa bas bostandyǵynan aıyrýǵa úkim shyǵardy. Sondaı-aq jábirlenýshi tarapqa 14 mln teńge kóleminde materıaldyq jáne moraldyq shyǵyndy óteýge mindetteldi, - dep habarlady Almaty sotynyń baspasóz qyzmeti.

Úkim zańdy kúshine endi.

Eske salaıyq, buǵan deıin Almatyda esirtki jarnamalaǵan turǵyn sottalǵanyn jazǵanbyz.