Almatyda Markov kóshesinde qozǵalys shekteledi
ALMATY. KAZINFORM — Almatyda Qurmanǵazy kóshesi ýaqytsha jabylady.
«Almaty jylý jelileri» kompanııasynan málim etkendeı, 27 mamyr keshki saǵat 21:00-den 28 mamyr tańǵy saǵat 07:00-ge deıin Markov kóshesinde, Buqar Jyraý býlvarynan Pojarskıı kóshesine deıingi aralyqta kólik qozǵalysy shekteledi.
— Ýaqytsha shekteýler 1983 jyly paıdalanýǵa berilgen jylý trassasyn aýystyrý úshin engiziledi. Ýaqytsha qolaısyzdyqtarǵa túsinistikpen qaraýdy suraımyz, — delingen habarlamada.
Aıta keteıik, Bostandyq aýdanynda Gabdýllın — Hamıt Erǵalıev, Jaǵalaý mańy — Buqar Jyraý — Baıtursynov kósheleriniń boıynda ornalasqan, jalpy uzyndyǵy 2,7 shaqyrym qubyrdy aýystyrý josparda.
Bul jylý trassasy 128 kóppáterli turǵyn úıdi, 25 jeke úıdi, 2 balabaqsha, 1 mektep, 1 medıtsına mekemesi jáne 65 basqa da obektilerdi jylý jáne ystyq sýmen qamtamasyz etedi.
Atalǵan tutynýshylarǵa rekonstrýktsııa júrgizý kezeńinde ystyq sý beriletin bolady.
Eske salaıyq, buǵan deıin Almatyda 260 shaqyrym sý qubyry jelisi salynyp, qaıta jańǵyrtylatynyn jazǵanbyz.