Almatyda marıhýananyń iri partııasy tárkilendi

ALMATY. KAZINFORM — Almaty qalalyq PD esirtki qylmysyna qarsy kúres basqarmasynyń qyzmetkerleri Áýezov aýdandyq polıtsııasynyń jedel ýákilderimen birlesip, esirtki ósimdikterin zańsyz ósirý deregin anyqtady.

Jedel-izdestirý is-sharalary barysynda polıtsııa qyzmetkerleri quramynda esirtki bar ósimdikter ósiriletin, jabdyqtalǵan fıtozerthanany anyqtady. 

Ǵımarattan ózine tán ıisi bar 31 túp ósimdikter, sondaı-aq arnaıy tehnıkalar: shamdar, tarazylar, tyńaıtqyshtar, sýdyń qyshqyldyǵy men temperatýrasyn ólsheıtin qurylǵylar tárkilendi.

Saraptamaǵa sáıkes, ósimdikter — marıhýana esirtkisi dep tanyldy, onyń jalpy salmaǵy 21 keliden asady. Kúdikti qamaýǵa alynyp, sotqa deıingi tergeý bastaldy.

— Mundaı arnaıy is-sharalar «Profılaktıka jyly» aıasynda esirtki qylmysyn anyqtaý jáne jolyn kesý boıynsha polıtsııanyń júıeli jumysynyń bir bóligi. Der kezinde den qoıýǵa, qyzmetter arasyndaǵy belsendi ózara is-qımylǵa jáne jedel aqparatty tıimdi paıdalanýǵa basa nazar aýdarylady, — dedi, Almaty qalalyq PD esirtki qylmysyna qarsy kúres Basqarmasynyń bastyǵy Murat Jumabaev.

Aıta ketelik 23 jasóspirim esirtki qylmysy úshin ustalǵan edi.