Almatyda mańynda drıft jasap, mańyzdy avtojoldy japqandar jazalandy
QONAEV. KAZINFORM – Almaty oblysynyń turǵyndary jol erejelerin óreskel buzǵan.
Almaty men oblysty baılanystyratyn avtojolda eki kólik drıft jasap, ózge kólikterdiń júrýine kedergi keltirgen. Olardyń áreketi beınelengen jazba áleýmettik jelide tarady.
Almaty oblysynyń polıtsııa departamenti júrgizilgen jedel sharalardyń nátıjesinde oqıǵaǵa qatysqan barlyq tulǵalar anyqtalyp, aýdandyq polıtsııa bólimshesine jetkizilgenin habarlady.
- Quqyq buzýshylar Qarasaı aýdanynyń turǵyndary – 1999, 2003 jáne 2007 jyly týǵan azamattar. Olarǵa qatysty Ákimshilik quqyq buzýshylyq týraly kodekstiń jeti baby boıynsha ákimshilik materıaldar toltyryldy. Barlyq kólik quraldary arnaıy aıyp turaǵyna qoıylyp, júrgizýshiler kólik quralyn basqarý quqyǵynan 6 aı merzimge aıyryldy, - dep habarlady polıtsııadan.
Sonymen qatar polıtsııa qyzmetkerleri quqyq buzýshylarmen profılaktıkalyq áńgime júrgizip, olarǵa qoldanystaǵy zańnama talaptary men jaýapsyz áreketterdiń saldaryn túsindirgen.
Eske salaıyq, buǵan deıin Almatyda qalanyń qaq ortasynda drıft jasaǵan júrgizýshi 10 kúnge qamaldy.