Almatydaǵy «Manhetten» turǵyn úı kesheninde aýqymdy tekserý júrgizildi
ALMATY. KAZINFORM — Eki aı ishinde ókiletti organdar birlesip, qoǵamdyq tártip birneshe ret buzylǵan «Manhetten» turǵyn úı kesheninde reıdtik is-sharalar ótkizdi. Bul týraly Almaty qalasy prokýratýrasynyń baspasóz qyzmeti habarlady.
Jumys barysynda menshik ıeleriniń jumys orny, baılanys derekteri, tirkelgen qarýdyń bolýy, túrli quqyq buzý úshin jaýapqa tartý faktileri týraly saýalnamalyq málimetteri, sondaı-aq turǵyn úıdi jalǵa berý týraly aqparatty qamtıtyn árbir páter boıynsha derekter bazasy qalyptastyryldy.
Tekserý 1000-ǵa jýyq zań buzýdy anyqtaýǵa múmkindik berdi, olardyń ishinde:
- kóshi-qon zańnamasyn buzýdyń 120 faktisi;
- qoǵamdyq tártipti buzýdyń 98 faktisi;
- zańsyz jalǵa alýdyń 114 faktisi;
- jynystyq qyzmet kórsetý úshin paıdalanylǵan 22 páter;
- jol qozǵalysy erejelerin buzýdyń 567 faktisi;
- alkogol ónimin zańsyz satýdyń 7 faktisi.
— Prokýratýra, polıtsııa jáne memlekettik organdardyń aýqymdy jumysy, azamattardyń qaýipsizdigin qamtamasyz etýge, quqyqtyq tártipti jaqsartýǵa jáne megapolıs turǵyndarynyń ómir súrý sapasyn arttyrýǵa baǵyttalǵan, — delingen habarlamada.
Aıta ketelik Baqytjan Bazarbek Bas prokýratýradan Almaty irgesindegi baǵaly telimderdi túgendeýdi talap etken edi.