Almatyda mánerlep syrǵanaýdan Qazaqstan chempıonaty ótedi

13-15 jeltoqsan aralyǵynda Almatyda mánerlep syrǵanaýdan Qazaqstan chempıonaty ótedi, dep habarlaıdy Kazinform. 

QR Ulttyq olımpıadalyq komıteti málim etkendeı, 14 jeltoqsan kúni qatysýshylar qysqa baǵdarlamany oryndasa, 15 jeltoqsanda erkin baǵdarlama josparlanǵan.

Jalpy el birinshiligine qatysýǵa 74 sportshy ótinim bergen.

Olardyń arasynda elimizdiń úzdikteri Mıhaıl Shaıdorov pen Rahat Bralın jáne Dıas Jırenbaevtar bar.

Qyzdar arasynda Anna Levkovets, Sofıa Farafonovalar synǵa túsedi.