Almatyda mádenıet jáne óner qyzmetkerlerine Prezıdent stıpendııasy tabys etildi
ALMATY. KAZINFORM – Mádenıet jáne aqparat mınıstri Aıda Balaeva ádebıet jáne óner qaıratkerlerine Memleket basshysynyń ókimimen taǵaıyndalǵan 2023 jylǵy mádenıet salasyndaǵy memlekettik stıpendııany tabys etti.
Saltanatty is-shara Almatynyń «Dostyq úıinde» ótti. Mádenıet jáne aqparat mınıstri Aıda Balaeva aqyn-jazýshylar men ádebıettanýshylarǵa, dramatýrgter men pýblıtsısterge, teatr, kıno jáne balet akterlerine, qolónershiler men ózge de mádenıet maıtalmandaryna stıpendııa tabys etti. Memlekettik stıpendııa Qazaqstannyń 75 ádebıet pen óner qaıratkerine berildi.
«Jyl saıyn taǵaıyndalatyn memlekettik stıpendııa – memlekettiń mádenıet pen óner qaıratkerlerine, shyǵarmashylyq qyzmetkerlerine jáne jas daryndarǵa jasaǵan qoldaýy men qamqorlyǵynyń aıǵaǵy, sondaı-aq, olardyń Qazaqstannyń mádenıetin órkendetip, álemge tanytýǵa qosqan úlesterine kórsetilgen qurmet», - dedi mınıstr.
Mádenıet salasyndaǵy stıpendııa Asanáli Áshimov, Myrzataı Joldasbekov, Bıbigúl Tólegenova, Oljas Súleımenov Iranbek Orazbaev, Nurǵalı Núsipjan, Tuńǵyshbaı Jamanqulov, Merýert Ótekeshova, Amandos Aqanaev, Dýlat Isabekov, Tólen Ábdik, Ákim Tarazı, Gýlver Razıeva jáne basqa da qazaq ádebıeti men óneriniń maıtalmandaryna tabystaldy.
Sonymen qatar Kann halyqaralyq festıvaliniń laýreaty Samal Eslámova, skrıpkashy Erkebulan Saparbaev, sýretshi Renat Elýbaev, ánshiler Andreı Tregýbenko, Nazym Saǵyntaı, akter Maksım ıAşenko sekildi jáne ózge de jas daryndarǵa memlekettik qoldaý kórsetildi.
