Almatyda ІІM-niń jańa akademııasynyń qurylysy bastaldy

ALMATY. KAZINFORM – Іs-sharaǵa ІІM basshylyǵy, Almaty qalasy ákimdiginiń ókilderi, polıtsııa departamenti, ishki ister organdarynyń ardagerleri jáne joba seriktesteri qatysty. 

Іshki ister mınıstrligi bolashaq polıtsııa ofıtserlerin daıarlaý isine erekshe mán beredi. Mınıstrdiń tapsyrmasyna sáıkes, qazirgi ýaqytta vedomstvolyq bilim berýdi jetildirýge baǵyttalǵan zamanaýı ári ınnovatsııalyq alańdar qurylýda. Memleket basshysy bul baǵytty kadrlyq áleýetti nyǵaıtýdyń negizgi faktory retinde aıqyndaǵan. Bul týraly Іshki ister mınıstriniń orynbasary Aıdar Saıtbekov atap ótti. 

Aıta ketý kerek, 10 sáýirde ótken ІІM alqa otyrysynda Іshki ister mınıstri kadr daıarlaý máselesine erekshe toqtalyp, quqyq qorǵaý organdarynda bıylǵy jyldy Vedomstvolyq bilim berý jyly dep jarııalaǵan bolatyn.

Jańa Almaty akademııasy qurylysynyń bastalýy – zamanaýı oqytý formatyna, ozyq tehnologııalarǵa, tájirıbege baǵyttalǵan tásilderge jáne halyqaralyq standarttarǵa negizdelgen júıeli jumystyń aıqyn kórinisi.

Qurylystyń irgetasyn qalaý sharasy aýqymdy jańǵyrtý úderisiniń bastaý núktesine aınaldy. Bolashaq ǵımarattyń irgetasyna tek ıdeıalyq negiz ǵana emes, sonymen qatar úzdiksiz damý, urpaq sabaqtastyǵy jáne kásibı qundylyqtardy nyǵaıtý qaǵıdattary qalandy.

Jańa bilim berý ortalyǵy zamanaýı talaptarǵa, sonyń ishinde tsıfrlyq resýrstardy tıimdi paıdalanýǵa beıimdelgen, azamattardyń qaýipsizdigin qamtamasyz etýge baǵyttalǵan jańa býyn ishki ister organdary mamandaryn daıarlaıtyn mańyzdy alańǵa aınalady.

Alda ýaqyt talabyna tolyq jaýap beretin zamanaýı bilim berý keshenin qalyptastyrýǵa baǵyttalǵan aýqymdy jumystar tur.

Buǵan deıin habarlaǵanymyzdaı, Іshki ister mınıstrligi Almatydaǵy reıd kezinde qalada túngi jarystar uıymdastyrylatynyn rastaǵan joq.