Almatyda LRT qurylysyna baılanysty Tóle bı kóshesiniń bóligi jabylady

Almaty ákimdiginiń málimetinshe, LRT qurylysyna daıyndyq jumystaryna baılanysty Baıtursynov kóshesinen Masanchı kóshesine deıin Tóle bı kóshesiniń boıynda kólik qozǵalysynyń ýaqytsha shekteý qoıylady.

Atalǵan jol ýchaskesi 11 tamyz saǵat 22:00-den 12 tamyz saǵat 06:00-ge deıin jabyq bolady.

- Jumystar júrý kezinde atalǵan ýchaskeni kórshi kósheler arqyly aılanyp ótý múmkindigi bolady. Júrgizýshiler men jaıaý júrginshilerge qozǵalys baǵytyn aldyn ala josparlaýǵa, ýaqytsha jol belgileriniń talaptaryn jáne qozǵalys qaýipsizdigin qamtamasyz etetin qyzmetkerlerdiń nusqaýlaryn saqtaýǵa keńes beriledi.

Ýaqytsha qolaısyzdyqtar úshin keshirim suraımyz jáne qala turǵyndary men qonaqtaryna túsinistik úshin alǵys aıtamyz, - dep habarlady ákimdikten.

Eske salaıyq, Almatyda birneshe kúnge Jandosov jáne Tsentralnaıa kósheleri jabylady.