Almatyda LRT qurylysy qaı satyda tur
ALMATY. KAZINFORM – Almatyda birinshi LRT jelisiniń qurylysyna daıyndyq jumystary júrgizilip jatyr.
Almaty qalasynyń Jol qozǵalysy jáne jolaýshylar kóligin uıymdastyrý basqarmasy atalǵan jumystardyń qalaı júrip jatqanyn kórsetti. Vedomstvo málimetinshe, uzyndyǵy 18,3 shaqyrym bolatyn ýchaskede ınjenerelik jelilerdi kóshirý, onyń ishinde qaıta ornalastyrý jáne qorǵaý jumystary atqarylyp jatyr. Atap aıtqanda: sý qubyry, káriz júıesi, baılanys jelileri, joǵary kerneýli elektr jelileri jáne gaz qubyrlaryn qaıta ornalastyrý jumystary bar.
Sonymen qatar qazir kópir qurylymdaryn jáne jerasty jaıaý júrginshiler ótkelderin kúsheıtý jumystary júrip jatyr.
- Almatyda LRT jobasyn iske asyrý jumystary jalǵasyp jatyr. Jańa jeliniń qurylysy kezeń-kezeńimen júrgizilip keledi. Joba qalanyń zamanaýı kólik júıesiniń mańyzdy bóligine aınalyp, turǵyndardyń qatynaý qolaılylyǵyn arttyrýǵa jáne jol-kólik jelisine túsetin júktemeni azaıtýǵa múmkindik beredi, - dep habarlady vedomstvodan.
Eske salaıyq, 2026 jyldyń basynda Almatydaǵy LRT jobasynyń tehnıkalyq-ekonomıkalyq negizdemesi ázirlendi.
Bıyl sáýir aıynda Almatyda burynǵy tramvaı relsteri alynyp, LRT qurylysyna daıyndyq bastaldy.
Shilde aıynda Almatyda LRT qurylysyna daıyndyqtyń jańa kezeńi bastalǵany habarlandy.
Buǵan deıin Almatyda LRT jelisin kim salatynyn jáne qansha qarajat bólingenin jazǵanbyz.
