Almatyda LRT deposynyń bolashaq beınesi kórsetildi
ALMATY. KAZINFORM – Almatynyń Alataý aýdanynda LRT deposynyń qurylysy júrip jatyr.
Almaty qalasyn damytý ortalyǵy áleýmettik jelide LRT deposynyń aýmaǵynda júrgizilip jatqan jumystardy jáne bolashaq nysannyń beınesin kórsetti.
Almaty qalasyn damytý ortalyǵynyń sarapshysy Nurbol Alıpov aıtýynsha, qazir LRT poıyzdarynyń shekti núktesi bolatyn 19 gektar aýmaqta jer qazý, topyraqty keri toltyrý jáne tegisteý jumystary júrgizilip jatyr. Bul jumystarǵa kóptegen arnaıy tehnıka jumyldyrylǵan: 21 júk aýdarǵysh kólik, 7 ekskavator, 6 tasymalǵa arnalǵan júk kólikteri, 4 tyǵyzdaýysh tehnıka jáne 2 sý tasıtyn kólik. Munda poıyzdar turaqqa qoıylyp, tehnıkalyq tekserýden ótedi, kúndelikti qozǵalysqa daıyndalady jáne reısterge shyǵady.
Eske salaıyq, 2027 jyldyń sońyna deıin Almatyda LRT-nyń birinshi kezegin iske qosý josparlanyp otyr. Uzyndyǵy 18,3 shaqyrym bolatyn jelide 34 aıaldama qarastyrylǵan. Bir quram bir mezette 300-ge jýyq jolaýshyny tasymaldaıtyn bolady.
Buǵan deıin Almaty qalasy jol ınfraqurylymyn damytý basqarmasy Oljas Shabdanov LRT jelisiniń qurylysy týraly aıtqan bolatyn.
Eske salaıyq, bıyl sáýir aıynda Almatyda burynǵy tramvaı relsteri alynyp, LRT qurylysyna daıyndyq bastaldy.
Keıin Almatyda jeńil relsti kóliktiń qurylysyna daıyndyqtyń jańa kezeńi bastalǵany habarlandy.
