Almatyda lıft aldyna áıeldi aıaýsyz urǵan er adam ustaldy

ALMATY. KAZINFORM – Áleýmettik jelilerde Almatydaǵy turǵyn úılerdiń birinde er adamnyń áıeldi aıaýsyz uryp jatqan beınejazbasy tarady. 

Beınerolıkten er kisi men áıel adamnyń arasynda janjal týyp, nátıjesinde er kisiniń qol jumsaǵanyn jáne ózge eki adamnyń oqıǵaǵa beı-jaı qarap turǵanyn kórýge bolady.

«Bir er adam áıeldi uryp jatyr. Ekeýi qarap tur. Buǵan ne deýge bolady? Áıel er kisimen ajyrasqan», – delingen beınejazbada.

Atalǵan jaǵdaıǵa Almaty qalasy polıtsııa departamentiniń baspasóz qyzmeti túsinikteme berdi.

«Uryp-soǵý faktisi boıynsha is qozǵaldy. Kúdikti ustaldy. Ol mindetti túrde jaýapqa tartylady. Sonymen qatar jábirlenýshi dene jaraqattarynyń aýyrlyq dárejesin anyqtaý maqsatynda sot-medıtsınalyq saraptama taǵaıyndaldy. Іs materıaldary sheshim qabyldaý úshin sotqa jiberiletin bolady», – dep habarlady Almaty qalasy polıtsııa departamentiniń baspasóz qyzmetinen.