Almatyda kúzgi ýaqytta 13 myń aǵash egiledi
ALMATY. KAZINFORM – Almatyda III Halyqaralyq Green Spaces Conference & Expo 2025 konferentsııasy men kórmesi ótip jatyr.
Іs-shara barysynda Almaty ákiminiń orynbasary Almashan Smatlaev Memleket basshysynyń jasyl jelekke qatysty tapsyrmasyn qalaı júzege asyp jatqanyn aıtty.
- 2030 jylǵa deıin Almatyda 2,5 mln aǵash otyrǵyzý josparlanǵan. Ásirese, 4-6 metrlik iri aǵashtarǵa basymdyq beriledi. Olar tez jersinip qana qoımaı, qalaǵa birden sán beredi, – dedi ol.
Almashan Smatlaevtyń aıtýynsha, bıyl kóktemde Almatyda 2 myńnan astam iri kóshet otyrǵyzyldy. Al kúzde taǵy 13 myń aǵash egý kózdelip otyr. Bul kóshetterdiń barlyǵy Bas botanıkalyq baq pen Agrarlyq ýnıversıtet mamandarynyń keńesimen tańdalǵan.
- Jalpy 68 myń gektar aýmaqtyń 25 myń gektardan astamyn jasyl jelek alyp jatyr. Bir adamǵa shaqqanda kógaldandyrý deńgeıi 13 sharshy metrden asady. Biz bul kórsetkishti odan ári arttyrýǵa kúsh salyp otyrmyz, – dedi ol.
Eske salaıyq, buǵan deıin Ekologııa mınıstri 2 mlrd aǵash egý tapsyrmasy nege oryndalmaǵanyn aıtty.