Almatyda kúzetshini soqqyǵa jyqqan kúdikti ustaldy

ALMATY. KAZINFORM - Almaty polıtsııasy bul derek boıynsha is qozǵady.

Almaty turǵyn úıleriniń birinde kólik júrgizýshisi kúzetshini uryp-soqty. Onyń is-áreketi beınejazbaǵa túsip qalǵan. 

Almaty qalasynyń Polıtsııa departamenti kúdikti ustalǵanyn habarlady.

- Bostandyq aýdandyq polıtsııa basqarmasy uryp-soǵý deregi boıynsha qylmystyq is qozǵady. Kúdikti polıtsııaǵa jetkizildi. Іstiń jan-jaqtylyǵy jáne obektıvtiligi qaǵıdattaryn qamtamasyz etýge baǵyttalǵan tergeý sharalarynyń kesheni júrgizilip jatyr, - dep habarlady departamentten.

Eske salaıyq, 2024 jyldyń naýryz aıynda júrgizýshi «Merkýr Taýn» elıtalyq turǵyn úı kesheniniń kúzetshisin kólikpen birneshe ret basyp qana qoımaı, ony uryp-soqqan. Saldarynan er adam aýrýhanada kóz jumdy. 

Kúdikti T.- ǵa QR Qylmystyq kodeksiniń 99-baby 2-bóliginiń 5 tarmaǵy (Asa qatygezdikpen kisi óltirý) jáne 147-babynyń 5-bóligi boıynsha aıyp taǵyldy.