Almatyda kúzetshini kólikpen basyp óltirgen er adam 22 jylǵa sottaldy

ALMATY. KAZINFORM — Almaty qalasynyń qylmystyq ister jónindegi mamandandyrylǵan aýdanaralyq sotynda «Merkýr Taýers» turǵyn úı kesheniniń kúzetshisin kóligimen birneshe ret basyp óltirgen kúdiktige qatysty sot otyrysy ótti.

Almaty sotynyń málimetinshe, aıyptalýshy Asqar Tastandıev Qylmystyq kodekstiń 99-baby 2-bóliginiń 5-tarmaǵy («Asa qatygezdikpen kisi óltirý») jáne 147-babynyń 5-bóligi boıynsha («QR derbes derekter jáne olardy qorǵaý týraly zańnamasyn buzý») kináli dep tanylyp, 22 jylǵa bas bostandyǵynan aıyryldy.

Sot úkimi zańdy kúshine engen joq.

Eske salaıyq, 2024 jyldyń naýryz aıynda jeńil kólik júrgizýshisi «Merkýr Taýn» elıtalyq turǵyn úı kesheniniń kúzetshisin birneshe ret basyp qana qoımaı, ony uryp-soqqan. Saldarynan er adam aýrýhanada kóz jumdy. 

Kúdiktige Qylmystyq kodekstiń 99-baby 2-bóliginiń 5-tarmaǵy («Asa qatygezdikpen kisi óltirý») jáne 147-babynyń 5-bóligi boıynsha aıyp taǵyldy. 

Prokýratýra sot psıhologııalyq-psıhıatrııalyq saraptamasynyń qorytyndysy negizinde Qylmystyq is júrgizý kodeksiniń 511-baby 2-bóligi 2-tarmaǵyna sáıkes, kúdikti psıhıatrııalyq kómek kórsetetin arnaıy medıtsınalyq ortalyqqa jatqyzylǵanyn málimdegen edi.

Osyǵan baılanysty sottaldy tergep-tekserý merzimi QІJK-niń 45-baby, 7-bóligi, 4-tarmaǵy negizinde toqtatyldy. Keıin tergeý qaıta bastaldy.

Sot jabyq rejımde ótti.