Almatyda qutqarýshylarǵa 20 qyzmettik páter berildi
ALMATY. KAZINFORM – Qalalyq TJD bastyǵynyń orynbasary Baǵdat Chaızada departament basshysynyń atynan qyzmetkerlerdiń otbasylaryna ındýstrııalyq aımaqtaǵy jańa órt sóndirý deposynyń ǵımaratynda jáne Alataý aýdany Karpatskaıa kóshesindegi №14 órt sóndirý bóliminiń kúrdeli jóndeýden ótken ǵımaratynda ornalasqan 20 qyzmettik páterdiń kiltin tabys etti.
Qyzmettik páter alǵan TJD qyzmetkerleriniń qatarynda radıotelefonshylar, órt sóndirýshi-qutqarýshylar, júrgizýshi-nusqaýshylar, bólimshe komandırleri, órt sóndirý jáne avarııalyq-qutqarý jumystarynyń jumysshylary bar.
«Biz sizderdiń halyq qaýipsizdigin qamtamasyz etýge qosqan úlesterińizdi baǵalaımyz. Sondyqtan qyzmettik páterlerdiń kiltin tapsyrý men úshin úlken mártebe. Turmystyq jaǵdaıdy jaqsartý garnızon qyzmetkerleriniń tıimdiligin arttyrýǵa yqpal etetini sózsiz. Ákimdiktiń qoldaýymen jyldan-jylǵa ishinde turǵylyqty jer qarastyrylǵan jańa órt sóndirý bólimderi salynyp jatqanyn atap ótkim keledi. Biz árbir qyzmetker turǵyn úımen qamtamasyz etilýi úshin barlyq sharany qabyldaımyz. Úılerińizde jylýlyq pen jaılylyq, dostyq pen mahabbat ornasyn», – dedi Baǵdad Chaızada.
Foto: Almaty qalasy TJD
