Almatyda qutqarýshylar taýda jaraqattanǵan týrıstke kómek kórsetti
ASTANA. KAZINFORM – Almatyda qutqarýshylar taýda qalyp qoıǵan 54 jastaǵy týrıstke kómekke keldi. Bul týraly TJM baspasóz qyzmeti habarlady.
Almaty qalasynyń Medeý aýdanynda, 3053 metr bıiktiktegi «Entýzıasttar» alańqaıynda qutqarýshylar «Barys» qutqarý qyzmetimen birlesip, taýdan túsý kezinde aıaǵyn qaıyryp alǵan 1972 jyly týǵan áıelge kómek kórsetti.
Qutqarýshylar áıeldi qaýipsiz jerge túsirip, Apattar medıtsınasy ortalyǵynyń brıgadasyna tapsyrdy.
Mınıstrlik taýǵa shyǵar aldynda marshrýtty aldyn ala josparlap, aýa raıy jaǵdaıyn jáne kúnniń batý ýaqytyn jáne týrıstik soqpaqtarǵa shyqpaı, ár adam óz kúshin durys baǵalaýdy eskertti.
Osyǵan deıin Almaty taýlarynda jaryqsyz qalǵan úsh týrıst qutqarylǵan bolatyn.
