Almatyda qutqarýshylar qoımadaǵy iri órttiń taralýyna jol bermedi
ALMATY. KAZINFORM — Almatynyń Túrksib aýdanynda qurylys materıaldary saqtalǵan qoıma órtendi.
Tótenshe jaǵdaı týraly habarlama 112 pýltine Súıinbaı dańǵylyndaǵy nysannan túsken. Oqıǵa ornyna jetken alǵashqy órt sóndirý bólimsheleri bir qabatty qoıma ǵımaratynyń ashyq jalynmen janyp jatqanyn anyqtady.
Órtti jedel joıý úshin arnaıy shtab qurylyp, TJM bólimsheleri, qalalyq qutqarý qyzmeti, órt sóndirý poıyzdary, Apattar medıtsınasy ortalyǵynyń mamandary jáne basqa da jedel qyzmetter jumyldyryldy. Sýdy úzdiksiz jetkizý úshin TJM-niń órt sóndirý avtopoıyzy men «QTJ» órt sóndirý poıyzy tartyldy.
Qutqarýshylardyń úılesimdi jumysynyń nátıjesinde qoımadaǵy taýarlyq-materıaldyq qundylyqtardyń edáýir bóligi saqtalyp, órttiń kórshiles ǵımarattarǵa taralý qaýpi joıyldy.
TJM málimetinshe, órt tolyqtaı sóndirilgen. Oqıǵa saldarynan zardap shekkender joq. Qazirgi ýaqytta órttiń shyǵý sebebi anyqtalyp jatyr.
Vedomstvo turǵyndar men kásipkerlerdi órt qaýipsizdigi talaptaryn saqtaýǵa úndedi. Tótenshe jaǵdaı bolǵan jaǵdaıda 112 nómirine habarlasý qajet.
Eske salaıyq, buǵan deıin Almaty oblysyndaǵy taýly aımaqta qurǵaq shóp órti sóndirilip jatqanyn jazǵanbyz.
