Almatyda Qurmanǵazy kóshesindegi kólik qozǵalysy ýaqytsha shekteledi

ALMATY. KAZINFORM — 11 sáýir saǵat 9:00-den 14 sáýir saǵat 6:00-ge deıin Almaty qalasynyń Pýshkın kóshesinen Dostyq dańǵylyna deıingi aralyqta Qurmanǵazy kóshesi jabylady. 

Qala ákimdiginiń málimetinshe, kósheniń bul bóliginde asfalt jabyny shógýiniń saldaryn joıý úshin ýaqytsha shekteýler engiziledi. Jumystardy merdiger uıym kepildik mindettemeleri aıasynda júrgizedi. 

— Qala turǵyndary men qonaqtarynan ýaqytsha qolaısyzdyqtarǵa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz, - dep habarlady «Almaty jylý jelileri» JShS-y. 

Eske salaıyq, buǵan deıin Almaty áýejaıynyń aýmaǵynda kólik qatynasy qıyndaıtynyn jazǵan bolatynbyz.