Almatyda Quryltaı esimdi eki turǵyn daýys berýge keldi
ALMATY. KAZINFORM — Almatyda esimi tarıhı oqıǵamen sáıkes keletin eki turǵyn óz tańdaýyn jasady.
Qurultaı Sátkenbaev Bostandyq aýdanyndaǵy № 294 saılaý ýchaskesine kelip, daýys berdi. Al Áýezov aýdanyndaǵy № 1 mektep-gımnazııada ornalasqan № 140 saılaý ýchaskesinde Quryltaı Mansurov Quryltaı depýtattarynyń saılaýynda óziniń azamattyq pozıtsııasyn bildirdi.
Ulttyq statıstıka bıýrosynyń málimetine sáıkes, Qazaqstanda Quryltaı esimdi 10 adam bar. Olardyń 6-y er adam, 4-i áıel.
Quryltaı esimi jáne onyń nusqalaryn ıelengen azamattardyń eń kóp sany Shyǵys Qazaqstan oblysynda tirkelgen — 4 adam. Almaty qalasynda 2 adam turady. Abaı, Jambyl, Qaraǵandy jáne Mańǵystaý oblystarynyń árqaısysynda bir adamnan tirkelgen.
Qazir elimiz boıynsha 10 363 saılaý ýchaskesinde daýys berý júrip jatyr. Saılaýshylar tizimine 12 605 788 adam engizilgen.
