Almatyda qurylysy uzaqqa sozylǵan dene shynyqtyrý-saýyqtyrý kesheni kelesi jyly ashylady
ALMATY. KAZINFORM – Túrksib aýdanynadaǵy dene shynyqtyrý-saýyqtyrý keshenin 2023 jyldyń aıaǵyna deıin ashý josparlanǵan bolatyn. Alaıda, ol áli paıdalanýǵa berilgen joq. Sport nysanyn iske qosý nege keshigip jatyr? Kazinform agenttiginiń bul saýalyna qurylys basqarmasy jaýap berdi.
Almaty qalalyq qurlys basqarmasynan málim etkendeı, dene shynyqtyrý-saýyqtyrý kesheniniń qurylysy 2021 jyldyń tamyzynda bastalǵan. Alaıda, osy jumystardy óz moınyna alǵan «Burǵan-2005» JShS jumysty tıisinshe orandamady. Atalǵan kompanııa Almaty qalalyq sotynyń 2022 jylǵy 1 jeltoqsandaǵy qaýlysymen memlekettik satyp alýdyń jaýapsyz qatysýshysy dep tanyldy.
Qazir keshendi salý boıynsha qurylys-montaj jumystary aıaqtaldy. Nysandy paıdalanýǵa berý aktisi qol qoıý satysynda. Keshendi qalanyń kommýnaldyq menshigine berý 2025 jyldyń qańtar aıyna josparlanyp otyr. Qazir ǵımarat ınjenerlik jelilerge qosylǵan, aýmaqty abattandyrý jumystary jalǵasyp jatyr.
«Jalpy, jyl basynan beri qalada «Alataý» shaǵyn aýdanynda aýysymyna 149 adamǵa jáne «Zerdeli» shaǵyn aýdanynda aýysymyna 98 adamǵa arnalǵan sport ortalyqtary ashyldy.
Osyǵan deıin Almaty ákimdigi jaýapsyz 30 merdiger kompanııany sotqa bergeni týraly jazǵan edik.
