Almatyda qurylysy uzaqqa sozylǵan 10 qabatty nysan buzylady

ALMATY. KAZINFORM — Almatyda Saıran kóliniń mańynda qurylysy aıaqtalmaǵan ǵımarat buzylady. 

Almaty qalalyq josparlaý jáne ýrbanıstıka basqarmasynyń málimetinshe, jer teliminiń aýdany — 0,6747 gektar.

— «Qýat korporatsııasy» AQ qurylys-montaj jumystaryn 2006 jyly bastaǵan. 2008 jyly qarjylandyrýdyń bolmaýyna baılanysty qurylys jumystary 10 qabat deńgeıinde toqtatylǵan. Ǵımarattyń jalpy aýdany — 14 583 sharshy metr.

2022 jyldyń17 tamyzdaǵy satyp alý-satý shartyna sáıkes, jer teliminiń jańa ıesi jeke tulǵa.

— 2024 jyldyń sáýir aıynda jańa ıesine aıaqtalmaǵan qurylysty buzyp, qyzmet kórsetý nysany bar ákimshilik ǵımaratty salý jáne paıdalaný úshin sáýlet-josparlaý tapsyrmasy berildi. Jańa ǵımarattyń eskızdik jobasy áli bekitilgen joq, — dep tolyqtyrdy vedomstvodan.

Eske salaıyq, buǵan deıin 2022 jyldyń basynan 2025 jyldyń mamyryna deıin megapolıste ruqsatsyz salynǵan 88 nysan tolyǵymen nemese jartylaı buzylǵany týraly jazǵanbyz.