Almatyda qurylysy toqtaǵan 40 qabatty keshenniń ornyna ne salynady
ALMATY. KAZINFORM — Qalanyń ákiminiń orynbasary Beıbit Shahanov RAMS Qazaqstan kompanııasy Beyond Almaty jobasynan bas tartqannan keıin osy aýmaqtyń bolashaǵyna qatysty túsinik berdi.
— Jer telimi jekemenshikke tıesili. Onyń qazirgi qojaıyndary bul aýmaqta qandaı joba júzege asyrýǵa bolatynyn áli ózara qarastyryp jatyr. Ázirshe olardan naqty usynys túsken joq. Sondyqtan qandaı bastamalar usynatynyn kútip otyrmyz. RAMS bul jerden túbegeıli ketedi, olar bul jobany jalǵastyrmaıdy, — dedi ol Óńirlik kommýnıkatsııalar qyzmetindegi brıfıng kezinde.
Eske salaıyq, buǵan deıin Almaty turǵyndary Tımırıazev kóshesi men Seıfýllın dańǵylynyń qıylysynda 40 qabatty keshenniń salynýyna narazylyq bildirgen edi. Májilis depýtaty Sergeı Ponomarev te ǵımarat qurylysyna qarsy shyqty.
Keıin keshenniń qurylysy toqtatyldy.
Al Almaty ákimi megapolıstegi 40 qabatty ǵımarattyń qurylysyna tyıym salynbaıtynyn málimdedi.
Alaıda keıinirek RAMS Qazaqstan bul jobanyń qurylysynan bas tartqany belgili boldy.