Almatyda qurylysy aıaqtalmaǵan taǵy bir nysan buzylyp jatyr
ALMATY. KAZINFORM — Almatyda sot sheshimimen qurylysy aıaqtalmaǵan nysan buzyla bastady.
Qala qurylysyn baqylaý basqarmasynan málim etkendeı, sot sheshimimen Ońdasynov kóshesi, 37/12 mekenjaıynda ornalasqan ǵımarat buzylyp jatyr.
— Jartylaı salynǵan qurylys nysany birneshe jyl boıy qaraýsyz qalǵan. Tekseris nátıjesinde ǵımarattyń qatty tozǵany, korrozııaǵa ushyraǵany anyqtalyp, ony buzý qajet degen sheshim qabyldanyp, basqarma tarapynan menshik ıesine kúrdeli temirbeton qurylymyn buzý týraly nusqama berilgen bolatyn, — dep habarlady basqarmadan.
Alaıda nusqamada kórsetilgen talaptar oryndalmaǵandyqtan, 2024 jyly 29 qańtarda basqarma Bostandyq aýdandyq sotyna májbúrlep oryndatý týraly talap aryz joldaǵan.
Sot basqarmanyń talap aryzyn qanaǵattandyrdy.
Nysandy buzý Ádilet departamentiniń sot oryndaýshylarynyń qatysýymen bastaldy.
Buǵan deıin, Almatyda qurylysy uzaqqa sozylǵan 10 qabatty nysan buzylyp jatqany týraly jazǵan edik.
Eske salaıyq, 2022 jyldyń basynan 2025 jyldyń mamyryna deıin megapolıste ruqsatsyz salynǵan 88 nysan tolyǵymen nemese jartylaı buzyldy.