Almatyda qurylysy aıaqtalmaǵan 5 qabatty ǵımarat buzylyp jatyr
ALMATY. KAZINFORM – Qalalyq josparlaý baqylaý basqarmasy Seıfýllın dańǵyly, 348 mekenjaıynda ornalasqan 5 qabatty ǵımarattyń buzylyp jatqanyn habarlady.
Vedomstvonyń málimetinshe, buǵan deıin jospardan tys tekserý barysynda menshik ıesine qatysty ákimshilik sharalar qoldanylyp, anyqtalǵan zańbuzýshylyqtardy joıý týraly nusqama berilgen.
– Keıin basqarma aıaqtalmaǵan qurylysty buzý týraly talap aryzdy Almatynyń mamandandyrylǵan aýdanaralyq ekonomıkalyq sotyna joldaǵan. Sot talap aryzdy qanaǵattandyryp, qalalyq sot birinshi satydaǵy sheshimdi ózgerissiz qaldyrdy, - delingen habarlamada.
2025 jyly 21 shildede Ádilet departamenti atqarýshylyq is júrgizý qozǵady.Búgin, 2026 jylǵy 13 sáýirde sot oryndaýshylarynyń qatysýymen nysandy buzý jumystary bastaldy.
Eske salaıyq, buǵan deıin Almatyda uzaqqa sozylǵan sot protsesinen keıin 4 qabatty ǵımarat buzylyp jatqanyn jazǵanbyz.
