Almatyda qurylys talaptaryn buzǵan taǵy bir kompanııa lıtsenzııasynan qaǵyldy

ALMATY. KAZINFORM – Almatyda qurylys normalaryn óreskel buzǵan merdiger uıymdarǵa qatysty sharalar qabyldaý jalǵasyp jatyr.

Qala qurylysyn baqylaý basqarmasy taǵy birqatar uıymǵa qatysty sharalar qabyldanǵanyn málimdedi. 

– Memlekettik «№174 mektep-gımnazııasy» ǵımaratyna salynǵan qosymsha nysannyń qurylysy boıynsha júrgizilgen jospardan tys tekserý barysynda jobalyq sheshimderden aýytqý jáne memlekettik qurylys normalarynyń saqtalmaýy anyqtaldy. Osyǵan baılanysty «Qurylysshy-TBS» JShS qurylys qyzmetiniń birqatar kishi sanaty boıynsha lıtsenzııasynan aıyryldy, - dep habarlady basqarmada.

Vedomstvonyń málimetinshe, atalǵan nysandarda jumys júrgizgen eki merdiger uıym da ákimshilik jaýapkershilikke tartylyp, anyqtalǵan buzýshylyqtardy joıý týraly nusqama berildi. 

Buǵan deıin «AsiaMah» JShS-i Ábish Kekilbaıuly kóshesindegi syrtqy káriz jelisin qaıta jańartý jumysy boıynsha, «SK 7 stroı» JShS-i kórkeıtý jáne bilim berý nysandaryndaǵy qurylys jumysy úshin qurylys lıtsenzııasynan aıyryldy. 

Eske salaıyq, onyń aldynda tehnıkalyq qadaǵalaýdy tıisinshe oryndamaǵan «Alataý sapa qurylys» JShS akkredıtatsııasynan aıyrylǵan edi. Uıym qyzmetkerleriniń baqylaýdy durys júrgizbegeniniń kesirinen ıAssaýı men Dastan kósheleriniń qıylysynda asfalt opyrylǵan. Sondaı-aq Amanjol kóshesindegi jol jabyndysynyń shógýine jol bergen «Arkada KZ» JShS ákimshilik jaýapkershilikke tartyldy.