Almatyda qurylys nysandaryna barý tártibi ózgeredi
ALMATY. KAZINFORM – Almaty máslıhaty qurylys obektilerine barý tártibine qatysty joba ázirledi.
— 2024 jyldyń 1 shildesinde 1998 jylǵy 1 shildedegi QR Zańyna ózgerister men tolyqtyrýlar engizildi, atap aıtqanda qurylys-montajdaý jumystarynyń ǵımarattar men qurylysjaılardyń tireý jáne (nemese) qorshaý konstrýktsııalaryn turǵyzýǵa jáne rekonstrýktsııalaýǵa qoıylatyn talaptarǵa sáıkestigin ınspektsııalaý úshin qurylys obektilerine barý tártibin belgileýge quqyly týraly tolyqtyryldy, — delingen qujatta.
Osyǵan baılanysty, Almaty máslıhaty «Qurylys-montajdaý jumystarynyń tireý jáne (nemese) qorshaý konstrýktsııalaryn turǵyzýǵa jáne rekonstrýktsııalaýǵa qoıylatyn talaptarǵa sáıkestigin ınspektsııalaý úshin qurylys obektilerine barý tártibin belgileý týraly» joba ázirledi.
Qujat 11 jeltoqsanǵa deıin qoǵamdyq talqylaý úshin «Ashyq NQA» saıtynda ornalastyryldy.
Buǵan deıin bir jylǵa jýyq ýaqyt buryn Májiliske kirgizilgen Qurylys kodeksiniń jobasy qoǵamda áli de qyzý talqylanyp jatqany týraly jazǵan edik.
Sondaı-aq kelesi jyldan bastap Almatyda turǵyn úıdi basqarý tarıfi ózgeretini týraly jazǵan bolatynbyz.