Almatyda kúres túrlerinen Qazaqstan kýbogy ótedi
ALMATY. KAZINFORM – 12-17 mamyr aralyǵynda Almaty qalasynda grek-rım, erkin jáne áıelder kúresinen Qazaqstan kýbogy ótedi.
Ulttyq olımpıadalyq komıtettiń habarlaýynsha, atalǵan básekede elimizdiń túkpir-túkpirinen kelgen 800-den astam balýan júldege talasady.
Aıta ketý kerek, bul týrnırge halyqaralyq jarystarda el namysyn qorǵap júrgen sportshylar da qatysady. Básekeniń negizgi maqsaty – alda ótetin iri halyqaralyq dodalarǵa ulttyq quramany jasaqtaý.
Alǵashqy medaldar grek-rım kúresinde sarapqa salynady. Odan keıin jarys jolyna áıelder shyǵady. Týrnırdi erkin kúres balýandary aıaqtaıdy.
Eske salsaq, buǵan deıin qazaqstandyq sportshy dzıýdodan Tájikstandaǵy «Úlken dýlyǵa» týrnırinde qola alǵanyn habarlǵan edik.
