Almatyda kýrer zeınetker bergen aqshany alaıaqtarǵa aparmaı qoıdy
ALMATY. KAZINFORM — Almatyda zeınetkerdi telefon alaıaqtarynan qutqarýǵa kómektesken kýrer Nartaı Esimhanov marapattaldy.
Qalalyq polıtsııa departamentiniń málimetinshe, kýrer tapsyrysty oryndaý kezinde zeınetkerdiń qatty qobaljyp turǵanyn baıqap, kúmándi jaǵdaıǵa baılanysty tapsyrysty oryndamaǵan jáne birden polıtsııaǵa habarlaǵan.
Tekserý barysynda egde jastaǵy áıeldiń alaıaqtardyń arbaýyna túsip, 3 myń AQSh dollaryn «tekserýge» beremin dep paketke salyp jibergeni anyqtalǵan. Kýrerdiń belsendi áreketiniń arqasynda qylmystyń joly kesilip, zeınetkerdiń aqshasy tolyq qaıtaryldy.
Azamattyq ustanymy úshin oǵan Almaty polıtsııa departamentiniń bastyǵy Aıdyn Kabdýldınov Alǵys hat pen estelik syılyq tabystady.
— Ájeniń kózine qaraǵanda onyń qatty qorqyp turǵanyn túsindim. Ony shyn júrekten aıadym. Sol kezde óz anam esime túsip, «Onyń ornynda meniń anam bolsa she?» degen oı keldi. Sondyqtan birden polıtsııaǵa habarlastym. Durys sheshim qabyldadym dep oılaımyn, — dedi Nartaı Esimhanov.
Eske salaıyq, telefon alaıaqtyǵyna qarsy jańa tetikter qashan kúshine enetinin jazǵanbyz.
