Almatyda qýraǵan shóp jasyl túske boıalyp jatyr
ALMATY. KAZINFORM – Almatyda kommýnaldyq qyzmetkerler joldardyń jıegindegi shópti jasyl túske boıaǵan.
Almaty ákimdiginiń jaýabyna sáıkes, jazda jaýyn-shashynnyń az bolýyna baılanysty Medeý aýdanynda kógaldyń estetıkalyq kórinisin saqtaý úshin tyńaıtqyshtar qosylǵan arnaıy boıaǵysh qoldanyldy.
– Atalǵan qural organıkalyq pıgmentter negizinde jasalǵan, ýly zattardan taza jáne adamdar men janýarlar úshin qaýipsiz. Ol shóp jamylǵysyna jasyl reńk berip, onyń jaqsy syrt kelbetin saqtaýǵa múmkindik beredi. Bul ónim sertıfıkattalǵan jáne AQSh, BAÁ, Ispanııa men Ońtústik Koreıa sııaqty klımaty ystyq elderde keńinen qoldanylady, - dep habarlady ákimdikten.
Sonymen qatar jasyl jelekti sýarý, kútim jasaý men kógaldandyrý jumystaryna, sonyń ishinde qýańshylyqqa tózimdi ósimdikterdi otyrǵyzýǵa nazar aýdarylyp otyrǵany aıtyldy.
Eske salaıyq, buǵan deıin Almatyda jer jasyl boıaýmen boıalǵan edi. Onda qala ákimdigi gazon shóbiniń tuqymyna gıdrosebý tásili qoldanylǵany habarlady.