Almatyda quny 5,9 mlrd teńge jer memleket menshigine qaıtaryldy

ASTANA. KAZINFORM — Almaty prokýratýrasynyń kómegimen 71,9 ga jer memleket menshigine ótti, dep habarlaıdy vedomstvonyń baspasóz qyzmeti.

Almaty qalasynyń prokýratýrasy quryltaıshysy sheteldik kompanııa bolyp tabylatyn zańdy tulǵanyń zańsyz ıeligindegi 72 gektar aýyl sharýashylyǵy jerin memleket menshigine qaıtarýǵa septigin tıgizdi.

— Tekseris nátıjesinde qalanyń elıtalyq bóliginde ornalasqan ýchaskeler Jer kodeksiniń talaptaryn buza otyryp paıdalanylǵany anyqtaldy. Sebebi sheteldik sýbektiler Qazaqstan aýmaǵynda aýyl sharýashylyǵy jerlerine ıelik ete almaıdy. 2025 jylǵy 16 shildede prokýratýranyń talap-aryzy boıynsha qalanyń mamandandyrylǵan aýdanaralyq ekonomıkalyq soty jerdi memleketke qaıtarý týraly talaptardy qanaǵattandyrdy. Osylaısha, quny 5,9 mlrd teńge jer telimi memleket menshigine qaıtaryldy, — delingen habarlamada.

Budan buryn Almatyda 34 jer telimi májbúrli túrde memleket menshigine alynatyny anyqtaldy.