Almatyda quny 420 mln teńgeden asatyn «sıntetıka» prekýrsorlary tárkilendi
ALMATY. KAZINFORM – Almaty men Almaty oblysynyń aýdandarynda BK-4 prekýrsorlaryn satýmen aınalysqan qylmystyq toptyń 9 múshesi ustalyp, qamaýǵa alyndy.
Almaty qalalyq PD Esirtki qylmysyna qarsy kúres basqarmasynyń bastyǵy Murat Jumabaevtyń sózinshe, ustalǵandardyń turǵylyqty jerinde ruqsat etilgen tintý kezinde iri kólemdegi suıyqtyq quıylǵan kanıstrler, esirtki zattaryn óndirýge arnalǵan zerthanalyq jabdyqtar, untaqty zaty bar ydystar, sondaı-aq qarý men oq-dáriler tabyldy.
– Aıǵaqty zattar tárkilenip, saraptamaǵa jiberildi. Qabyldanǵan sharalardyń kómegimen esirtki satýshylardyń zańsyz taýar saqtaǵan úsh orny belgili boldy.
Bul ǵımarattardan jalpy quny 422 mln bolatyn 3 tonna 210 lıtr prekýrsorlar tabyldy jáne tárkilendi. Sonymen qatar, jedel is-sharalar barysynda Qaraǵandyda esirtki zerthanasyn qurǵan toptyń basqa da músheleri anyqtaldy. Olar ustalyp, qamaýǵa alyndy, – dedi ol.
Osyǵan deıin Almatyda transulttyq uıymdasqan qylmystyq top múshelerine úkim shyqqan bolatyn.